विप्लवका गतिविधि पृथकतावादतर्फ उन्मुखः प्रधानमन्त्री ओली

विप्लवका गतिविधि पृथकतावादतर्फ उन्मुखः प्रधानमन्त्री ओली

  • , 7.7K जनाले हेर्नुभयो
  • 7.7K
    SHARES

  • विप्लवका गतिविधि पृथकतावादतर्फ उन्मुखः प्रधानमन्त्री ओली

    भन्दै त्यस्तो गतिविधि भए सरकार हेरेर नबस्ने चेतावनी दिएका छन् ।

    विप्लव नेतृत्वको नेकपाप्रति लक्षित गर्दै ओलीले मुलुकले शान्ति समृद्धि खाजेकाले त्यस्ता गतिविधि गर्नेलाई कुनै पनि हालतमा नछाड्ने चेतावनी दिएका हुन् ।

    सोमबार प्रदेश ३ को प्रदेश सभा बैठकलाई  सम्बोधन गर्दै उनले भने, ‘ मुलुकमा हिंसा र पृथकतावाद जरुरी छैन । त्यस्ता गतिविधि भए शैह्य हुँदैन । म त्यो बाटोमा नलाग्न अपिल गर्न चाहन्छु ।’
    उनले शान्तिपूर्ण भनिएपनि विप्लवको नामै नलिई सो पार्टीका गतिविधि पृथकतावादतर्फ उन्मुख भएको दाबी समेत गरे ।

    यस्तै देशको तीव्र विकास गर्न सुशासन पहिलो सर्त भएको बताउँदै प्रधानमन्त्री ओलीले सुशासनको पहिलो सर्त भ्रष्टचार निर्मुल गर्नु रहेको प्रष्ट पारे ।

    भ्रष्टचार गर्नेको अनुहार समेत नहेर्ने भन्दै प्रधानमन्त्री ओलीले जुनसुकै पार्टीको भएपनि भ्रष्टचारीलाई बाँकी नराख्ने चेतावनी दिए ।

    ‘हाम्रै साथीभाइ होलान्, व्यवसाय चलाएका होलान् तर, चिनेजानेका र आफन्त भएपनि जोगिन्छु भनेर नसोचे हुन्छ’ प्रधानमन्त्रीको चेतावनी छ, ‘बेठिक गर्ने र भ्रष्टाचार गर्ने कोहीकसैलाई क्षमा दिइँदैन, सहिदैन, सरकारले सिण्डिकेट तोड्छ भन्यो तोडेरै छाड्यो । त्यसमा को को परे पछि अनुहार हेरौला ।’

    सराकार गरिवी, भ्रष्टचार, निरक्षरता र पछौटेपनकाविरुद्ध आक्रमक शैलीमा अघि बढ्ने भन्दै प्रधानमन्त्रीले यहि शैलीमा अघि बढ्न प्रदेश सरकारलाई निर्देशन दिए । ‘यदि प्रदेश सरकारले गर्न नसके केन्द्र सरकारलाई देखाएदिनु हामी गर्छौ ।’   उनले भने ।

                   देशले हाइवे पक्डेको छ, गाडी पाँच गियरमा गुँड्छ : प्रधानमन्त्री

    सुशासन र सम्बृद्धिका पक्षमा आत्मविश्वासका साथ अघि बढ्न प्रदेश सरकार र प्रदेश सांसदलाई सुझाव पनि दिए ।

    विशेष नीति र व्यवस्था गरेर भएपनि पछाडि परेकाहरुलाई अधिकार उपलव्ध गराएरै छाड्ने र त्यसका लागि नीति नियम र कानुन बनाउन सरकार लागि रहेको प्रधानमन्त्री ओलीले बताए ।

    कुनैपनि मानिसको पहिलो आवाश्यक्ता भनेको सुरक्षा भएको भन्दै सुरक्षाको प्रत्याभुति दिने प्रयासमा सरकारले कुनै कसर बाँकी नराख्ने बताए । लोकतन्त्र मात्रै भनेर नपुग्ने भन्दै उनले लोकतन्त्रको बास्तविक अनुभुति जनताले गर्ने लोकतन्त्रको आवाश्यक्ता महशुस गरेको र सरकारले त्यहि किसिमको नीति तथा कार्यक्रम ल्याएको बताए । ‘म दावाका साथ भन्छु अव कोही नेपाली भोकै मर्दैन । तराईमा अव कोही नेपाली जाडोले कठ्याङग्रिएर मर्न नपरोस् ।’

    जनता आवास कार्यक्रम प्रभावकारी नभएकाले नयाँ मोडालिटिअनुसार बस्ती विकास गर्ने तयारी सरकारले गरेको प्रधानमनत्रीले सुनाए । आधुनिक र सम्बृद्धिको कुरा सुन्दा कतिपयलाई काल्पनिक जस्तो लागेपनि सम्भव भएको बताए ।

    साक्षर अभियान उदाहरणका रुपमा प्रस्तुत गर्दै उनले ४ लाखबाट ५९ हजारमा झरेको बताए । ‘अव निरक्षर नेपालमा ५ बर्षमुनिका मात्रै हुन्छन् । यो अभियानसँगै उच्च र गुणस्तरीय शिक्षामा जान्छौ’
    स्वदेशमै उत्पादन भएका बस्तुले खान पुग्ने भएपनि आफ्नो उत्पादन नखाएर आयातित खाद्यन्न प्रयोग गर्ने बानी हटाउन प्रधानमन्त्री ओलीले सुझाव दिए । ‘हामीसँगको उत्पादनले खान नपुगेको होइन, पुग्छ । हामीलाई भातै खानै पर्नेबानीका कारण पनि अलि समस्या भएको हो । देश गरिव छ तर, मसिनो चामल आयात गर्छौ । उत्पादनमुखि नभएर उपभोगमुखि बनेका छौ, यसलाई परिवर्तन गर्नुपर्छ ।’

    प्रधानमन्त्री ओलीले हामी एउटा नयाँ अभ्यासमा गएको भन्दै लामो संघर्ष र बलिदानीपछिमात्रै यो अभ्यासमा आएको बताए । ‘सार्वभौमसत्ता जनतामा रहेको गणतन्त्रको अभ्यास गरेका छौ । विकेन्द्रीत, अधिकार र अवसरको बाँडफाँड यथार्थमा लोकतान्त्रिक पृथक र उन्नत छ । यो राजनीतिक स्वतन्त्रतामात्रै होइन, यो त कम्प्रीहेन्सी डेमोक्रेसी हो । लोकतन्त्रको पहिलो काम लोकलाई हेर्ने,लोकको काम गर्ने हो ।’
    आधारभूत आवाश्यक्ताको परिपुर्ति, खाने,लाउने र आवासको व्यवस्थासहितको व्यवस्थाको कल्पना गरिएको भन्दै प्रधानमन्त्रीले २१ औं सताब्दीका हामी नेपाली चरा र मुसा जस्तो रातविहान चारोको खोजीमा बस्न नसक्ने बताए । प्राकृतिक र जैविक रुपमा नेपाल र नेपाली धनी भएपनि त्यसलाई सहि ढंगले प्रयोग गर्न नसकेको बताए । ‘हामीसँग काठ, बास छ, ढुङगामाटो छ । पानी छ, सिमेन्ट छ, जमिन छ । छाउन पराल र खर छ । तर घर छैन । यो अनौठो विसंगति भोगिरहेका छौ’, ‘सदुपयोगको सिद्धान्तलाई ध्यान दिनुपर्छ’ प्रधानमन्त्रीको जोड थियो ।

    विकास र सम्बृद्धिका लागि परिस्थिति अनुकुल भएको भन्दै अब गरेर देखाउन सवैमा संकल्प जरुरी रहेको बताए । उनले आफुले छिमेकीसँगको सम्बन्धमा समेत सुधार ल्याएको बताए । ‘अव जुगाको लडाई नलड्ने राष्ट्रको हित खोज्ने हो’ उनले भने ‘नेपालले नयाँ उचाइमा छिमेकीहरुसँगको सम्बन्ध विस्तार गरेको छ । हामी खोक्रो दावी मात्रै गर्दैनौ गरेर देखाउँछौ ।’ एकजुट भएर राष्ट्रिय सार्वभौमसत्ता अगाडि बढेको भन्दै हाम्रा आन्तरिक मामिलामा कसैले हस्तक्षेप गर्न नसक्ने प्रधानमन्त्रीको दावी थियो ।
    यसअघि प्रधानमन्त्री ओलीले बैशाख १६ गते प्रदेश ५ को प्रदेशसभालाई सम्बोधन गरेका थिए ।

    सम्बन्धित खवर