मास्क खोल्दै जब गोरेले पत्रकार सम्मेलनमा मुख छाडेपछि…

मास्क खोल्दै जब गोरेले पत्रकार सम्मेलनमा मुख छाडेपछि…

  • , 8.1K जनाले हेर्नुभयो
  • 8.1K
    SHARES

  • मास्क खोल्दै जब गोरेले पत्रकार सम्मेलनमा मुख छाडेपछि…

    काठमाडौँः साढे ३३ किलो सुन तस्करीका मुख्य अभियुक्तका रुपमा पक्राउ परेका मोरङको उर्लाबारीका चुडामणि उप्रेती ‘गोरे’ लाई गृहमन्त्रालयको छानबिन समितिले मंगलबार सार्वजनिक गरेको छ ।

    गृहमन्त्रालयमा आयोजित एक पत्रकार सम्मेलनमा समितिले गोरेलाई अहिलेसम्म भएका ठुला सुन तस्करीका मुख्य अभियुक्तका रुपमा सार्वजनिक गरेको हो ।

    त्रिभुवन विमानस्थलबाट छिराइएको तस्करीको साढे ३३ किलो सुन गायब भएपछि गोरेको नेतृत्वमा मोरङका सनम शाक्यको हत्या भएको थियो भने अन्य दुईजनाले आत्महत्या गरेका जनाइएको थियो ।

    पढ्नुस्: आफैले मास्क खोलेर अनुहार देखाए गोरेले, ५ फोटो

    गृहमन्त्रालयमा आयोजित पत्रकार सम्मेलनमा जब पत्रकारहरुले गोरेले लगाएको क्याप खोल्न भने तब उनले अभद्र शब्दको प्रयोग गर्दै मुखमा लगाएको कालो कपडा पनि उतारे ।

    पत्रकार सम्मेलनका क्रममा उनले मा………… भन्दै मुख छाडेपछि छानबिन समितिका सदस्य र पत्रकारहरुले पनि अफ्ठेरो महसुस गरे ।

    साढे ३३ किलो सुनकाण्डपछि गोरे नेपाल–भारतको सीमाक्षेत्रमा लुक्दै आएको दाबी छानबिन समितिका संयोजक ईश्वरी पौडेलले गरेका छन् । उनका अनुसार दुई देशको सीमाक्षेत्रमा लुक्दै आएका उनलाई मंगलबार बिहान काठमाडौँको गौरीघाटबाट पक्राउ गरिएको हो ।
    साभार annapurna post बाट

    सम्बन्धित खवर