हर्भिङ लजानोको एकमात्र गोलको मद्दतले मेक्सिकोले जर्मनीलाई पराजित

हर्भिङ लजानोको एकमात्र गोलको मद्दतले मेक्सिकोले जर्मनीलाई पराजित

  • , 4.1K जनाले हेर्नुभयो
  • 4.1K
    SHARES

  • हर्भिङ लजानोको एकमात्र गोलको मद्दतले मेक्सिकोले जर्मनीलाई पराजित

    काठमाडौँ । डिफेन्डिङ च्याम्पियन जर्मनी सन् २०१८ को विश्वकपको पहिलो खेलमा नै मेक्सिकोसँग अप्रत्यासितरुपमा पराजित भएको छ । हर्भिङ लजानोको एकमात्र गोलको मद्दतले मेक्सिकोले जर्मनीलाई पराजित गरेको हो ।

    लजानोले खेलको ३५ औँ मिनेटमा ह्याभियर हर्नान्डेजको पासमा गोल गर्दै मेक्सिकोलाई ऐतिहासिक जित दिलाएका हुन् ।

    अप्रत्यासित रुपमा पछि परेको जर्मनीले खेलको दोस्रो हाफमा मेक्सिकोमाथि निरन्तर दबाब राखेको थियो । विपक्षीमा खेलमा १६ पटक आक्रमण गरे पनि जर्मनीले गोल भने गर्न सकेन ।

    उता, मेक्सिकोले पनि थुप्रै राम्रो अवसरहरु गुमाएको थियो ।

    जर्मनीले विश्वकपमा पहिलो खेल हारेको सन् १९८२ पछि पहिलो पटक हो । पछिल्लो पटक अल्जेरियासँग पहिलो खेलमा पराजित भए पनि जर्मनीले अन्ततः फाइनलसम्मको यात्रा तय गरेको थियो ।

    यसअघि विश्वकपमा जर्मनी र मेक्सिको तीनपटक भिडेका थिए । तर, तीनै खेलमा जर्मनी विजयी भएको थियो ।

    त्यस्तै यसअघि दुई टोली सबै प्रतियोगितामा ११ पटक आमने सामने भएका थिए जसमा मेक्सिकोले एकमा मात्र जीत हासिल गरेको थियो ।

    खेलमा अतिरिक्त खेलाडीको रुपमा मैदान प्रवेश गरेका मेक्सिकोका राफायल मारक्वेज पाँचवटा फरक विश्वकप खेल्ने मात्र तेस्रो खेलाडी बनेका छन् । यसअघि मेक्सिकोका एन्टोनियो कार्बाजाल र जर्मनीका लोथर माथायसले उपलब्धि हासिल गर्न सफल भएका थिए ।

    सम्बन्धित खवर