काठमाडौंमा अविरल वर्षाका कारणले बाढी पसेको छ : सडक अवरुद्ध, तस्बिरमा हेर्नुहोस्

काठमाडौंमा अविरल वर्षाका कारणले बाढी पसेको छ : सडक अवरुद्ध, तस्बिरमा हेर्नुहोस्

  • , 4.7K जनाले हेर्नुभयो
  • 4.7K
    SHARES

  • काठमाडौंमा अविरल वर्षाका कारणले  बाढी पसेको छ : सडक अवरुद्ध, तस्बिरमा हेर्नुहोस्

    गएरातिबाट परेको अविरल वर्षाका कारण काठमाडौँका करिब १ सय ठाउँमा बाढी पसेको छ । राति १ सय ठाउँमा सुरक्षाकर्मी परिचालन गरिएको महानगरीय प्रहरी कार्यालयका प्रवक्ता (एसपी) सुशील सिंह राठौरले बताए । डुबानबाट मानवीय र भौतिक क्षति भएको छैन ।
    मनोहरा खोला किनारमा रहेको मूलपानीको बस्ती, काँडाघारी र बल्खु क्षेत्रमा उद्धार कार्य जारी रहेको एसपी राठौरले बताए । ‘अन्य ठाउँमा डुबानको समस्या हटेको छ’ एसपी राठौरले भने–‘मनोहरा खोला किनारामा उद्धार भइरहेको छ ।’

    गएराति टंकेश्वर, डल्लु, टेकु, तहाचल, वनस्पति चोक, नयाँ बसपार्क, परोपकार केन्द्र, माछापोखरी, गुह्येश्वरी, जोरपाटी र कालोपुललगायतका क्षेत्र डुबानमा परेको थियो । नेपाल प्रहरी, सशस्त्र र नेपाली सेनाको टोलीले १ सय ३८ जनाको सकुशल उद्धार गरेको छ । कुल ३८२ घरधुरी डुबानमा परेको महानगरीय प्रहरी कार्यालयले जनाएको छ ।

    -रासस

    सम्बन्धित खवर