झापामा पिकअप ठक्करबाट एक जनाको मृत्यु

झापामा पिकअप ठक्करबाट एक जनाको मृत्यु

  • , 1.5K जनाले हेर्नुभयो
  • 1.5K
    SHARES

  • झापामा पिकअप ठक्करबाट एक जनाको मृत्यु

    झापा : झापामा पिकअप गाडीको ठक्करबाट एक बालकको घटनास्थलमै मृत्यु भएको छ।

    मृत्यु हुनेमा सर्लाही भक्तिपुर गाउँपालिका-३ ईश्वरपुर घर भई हाल झापा कमल गाउँपालिका-५ बस्ने लोहरा कापरीको ४ वर्षीय छोरा मानव कापरीको रहेको प्रहरी कार्यालय झापाका डिएसपी राकेश थापाले जानकारी दिए।

    प्रहरीका अनुसार पूर्व पश्चिम राजमार्गअन्तर्गत कमल-५ स्थित निर्माणाधीन आदिवासी रङशाला अगाडि पूर्वबाट पश्चिमतर्फ जाँदै गरेको प्रदेश ०३-००१च०३६४ नम्बरको पिकअप गाडीले बाटो काट्ने क्रममा बालक कापरीलाई शुक्रबार ठक्कर दिएको थियो।

    पिकअपको ठक्करबाट बालकको घटनास्थलमै मृत्यु भएको डिएसपी थापाले बताए। यता, घटनापश्चात् इलाका प्रहरी कार्यालय दमकको टोलीले गाडी र गाडी चालक मकवानपुर हेटौँडा नगरपालिका-११ बस्ने २४ वर्षीय अजय पाख्रिनलाई नियन्त्रणमा लिएको छ। शवलाई पोस्टमार्टमका लागि दमक अस्पताल पुर्‍याएको प्रहरीले जनाएको छ।

     

    सम्बन्धित खवर