ट्रम्पद्वारा प्रतिस्पर्धी जो बाइडनलाई चेतावनीपुर्ण ट्विट

ट्रम्पद्वारा प्रतिस्पर्धी जो बाइडनलाई चेतावनीपुर्ण ट्विट

  • , 1.7K जनाले हेर्नुभयो
  • 1.7K
    SHARES

  • ट्रम्पद्वारा प्रतिस्पर्धी जो बाइडनलाई चेतावनीपुर्ण ट्विट

    ट्रम्पद्वारा प्रतिस्पर्धी जो बाइडनलाई चेतावनीपुर्ण ट्विट
    कार्तिक २२ पोखरा । रिपब्लिकन पार्टीका उम्मेदवार डोनाल्ड ट्रम्पले ट्वीटरमार्फत आफ्ना प्रतिस्पर्धी जो बाइडनलाई राष्ट्रपति निर्वाचित भएको घोषणा नगर्न चेतावनी दिएका छन् ।

    ट्वीटरमा ट्विट गर्दै ट्रम्पले लेखेका छन्, ‘बाइडनले राष्ट्रपति पदको दाबी नगरुन् । यस्तो दाबी त म पनि गर्न सक्छु । कानुनी प्रक्रिया भर्खरै शुरु भएको छ ।’
    कानुनी प्रक्रिया सुरु भएपछि आफ्नो अग्रता फेरि फर्किने विश्वास ट्रम्पलाई छ । उनले ट्वीटरमा थप लेखेका छन्, ‘चुनाव भएको राति सबै राज्यहरुमा मेरो अग्रता थियो तर दिन बित्नासाथ चामत्कारिक ढंगले गायब भएको देखियो । हाम्रो कानुनी कारबाही अगाडि बढेपछि सायद त्यो अग्रता फर्किने छ ।’
    राष्ट्रपति पदको निर्वाचनमा बाइडन जित नजिक पुगेका समाचार आइरहेका बेला ट्रम्पले सो चेतावनीपुर्ण ट्वीट  सार्वजनिक गरेका हुन् ।

    मत गणनामा धाँधली भएको भन्दै ट्रम्प र उनका समर्थकहरु अदालत  समेत गएका छन् । तर ट्रम्पले धाँधली भएको प्रमाण पेश गर्न नसकेको अन्तर्राष्ट्रिय सन्चार माध्यमहरुले उल्लेख गरेका छन् ।
    अमेरिकी राष्ट्रपतिय चुनावमा अमेरिकाका ५० मध्ये ४४ राज्यको मतगणनाको परिणाम आइसकेको छ । राष्ट्रपति निर्वाचित हुन २७० इलेक्टोरल मत आवश्यक पर्नेमा बाइडनले २५३ र ट्रम्पले २१४ मत पाएका छन् ।

    सम्बन्धित खवर