सार्वजनिक बिदा कटौती गर्ने निर्णयप्रति कमल थापाको यस्तो सुझाव

सार्वजनिक बिदा कटौती गर्ने निर्णयप्रति कमल थापाको यस्तो सुझाव

  • , 3.1K जनाले हेर्नुभयो
  • 3.1K
    SHARES

  • सार्वजनिक बिदा कटौती गर्ने निर्णयप्रति कमल थापाको यस्तो सुझाव

    काठमाडौँ । सरकारले विगतदेखि दिँदै आएको सार्वजनिक बिदामा व्यापक कटौती गर्ने भएको छ । २२ दिनको सार्वजनिक बिदा कटौती गर्न गृह मन्त्रालयले प्रस्ताव तयार पारेको छ । धेरै सार्वजनिक बिदा दिँदा काम गर्ने समय कम हुने र स्थिरतासहित आर्थिक समृद्धि हासिल गर्ने सरकारको लक्ष्यमा ठेस पुग्ने निष्कर्षसहित सकारले बिदा कटौती गर्ने तयारी गरेको छ ।

    सरकारले शनिबार बाहेकका अनावश्यक बिदा कटौती गर्न थालेपछि यसबारे बहस चलेको छ । बिदा सान्दर्भिक कि असान्दर्भिक भन्ने सम्बन्धमा राष्ट्रिय प्रजातन्त्र पार्टीका अध्यक्ष कमल थापाले नेपाली पहिचान र गौरवसंग जोडिएका विषयमा प्रहार नहुने गरी बिदा दिन प्रधानमन्त्री केपी शर्मा ओलीलाई सुझाव दिएका छन् ।

    सामाजिक संजाल ट्वीरमार्फत थापाले भनेका छन्, ‘बिदा कटौती आबश्यक छ, हामीकहॉ धेरै सार्वजनिक बिदाहरु भए। तर, कटौतीको नाममा नेपाली पहिचान र गौरवसंग गांसिएका राष्ट्रिय एकता दिवस र महत्वपूर्ण सांस्कृतिक पर्वमाथि प्रहार हुनेछैन भन्ने बिश्वास गर्दछु ।’

    कटौती प्रस्ताव गरिएका बिदा
    दिवस : गणतन्त्र दिवस, लोकतन्त्र दिवस, निजामती सेवा दिवस, राष्ट्रिय एकता दिवस, सहिद दिवस र राष्ट्रिय प्रजातन्त्र दिवस
    चाड : घटस्थापना, द्वादशी र कोजाग्रत पूर्णिमा
    जयन्ती : रामनवमी र श्रीकृष्ण जन्माष्टमी
    पर्व : जनैपूर्णिमा, ऋषिपञ्चमी (महिला कर्मचारीका लागि मात्र)
    नयाँ वर्षदेखि ल्होसार, क्रिसमस, छठलगायतका केही अरू समुदायगत पर्वमा पनि सार्वजनिक बिदा नपाउने व्यवस्था सरकारले गर्दै छ । तर, गृह मन्त्रालयले खारेज गरिने सबै बिदा सार्वजनिक गरेको छैन ।
    news24nepal.tv

    सम्बन्धित खवर