भारतमाथि नेपालको शानदार जित

भारतमाथि नेपालको शानदार जित

  • , 5.4K जनाले हेर्नुभयो
  • 5.4K
    SHARES

  • भारतमाथि नेपालको शानदार जित

    काठमाडौं (हाम्रो खेलकुद) – एएफसी यू-१९ च्याम्पियनसिप छनोट अन्तर्गत शुक्रबार थाइल्याण्डस्थित चोनबुरी रंगशालामा नेपालले भारतलाई २-० ले पराजित गरेको छ । नेपालको जितमा फरवार्ड रेखा पौडेलले दुई गोल गरिन् ।

    तस्बिर सौजन्य : एनएसजेएफ

    निकै प्रतिस्पर्धात्मक खेलको पहिलो हाफ गोलरहित बराबरीमा सकिएको थियो । दोस्रो हाफको ५९ औं मिनेटमा रेखाले नेपाललाई अग्रता दिलाइन । नेपालको हाफबाट गरेको लामो क्लिएरेन्समा विपक्षी डिफेन्डरले बनाएको अफसाइड ट्रयापलाई बिट गर्दै रेखाले पेनाल्टी क्षेत्र भित्रबाट गोल गरेकी थिइन् । दुवै टोलीले त्यसपछि गोल गर्ने अवसर पाएपनि त्यसलाई सदुपयोग गर्न सकेनन् । तर रेखाले खेलको २ मिनेट समय बाँकी छंदा नेपालको अग्रता दोब्बर पारिन् । उनले गोलरक्षकको टाउको माथिबाट चिप गोल गर्दै नेपालको जित पक्का गरिन् ।

    प्रतियोगिताको पहिलो खेलमा नेपाल थाइल्याण्डसँग ३-० ले पराजित भएको थियो । यता पाकिस्तानलाई १८-० ले हराउँदै भारतले उत्कृष्ट सुरुवात गरेको थियो । प्रतियोगिताको अर्को खेलमा आजै थाइल्याण्ड र पाकिस्तान भिड्दैछन् । आइतबार नेपालले समूहको अन्तिम खेलमा पाकिस्तानको सामना गर्नेछ भने भारत र थाइल्याण्ड पनि भिड्ने छन् ।

    तस्बिर सौजन्य : एनएसजेएफ

    यस समूहबाट शीर्ष स्थानको टोली र दोस्रोमध्ये उत्कृष्ट दुईमा पर्ने टोलीले थाइल्याण्डमा हुने यू-१९ च्याम्पियनसिपको अन्तिम चरणमा छनोट हुनेछ । तर थाइल्याण्ड शीर्ष स्थानमा पारेको खण्डमा भने दोस्रो हुने टोली छनोट हुनेछ । नेपालको यस जितसँगै छनोट हुने सम्भावना बढेको छ । नेपाल पहिलो पटक यू-१९ च्याम्पियनसिपको छनोटमा सहभागिता जनाउँदै गर्दा अन्तिम चरणमा छनोटनजिक पुगेको हो ।

    सम्बन्धित खवर