बागलुङ — मंगलबार दिउँसोदेखि परेको अविरल वर्षाका कारण दर्जन पक्की घरमा समेत क्षति

बागलुङ — मंगलबार दिउँसोदेखि परेको अविरल वर्षाका कारण दर्जन पक्की घरमा समेत क्षति

  • , 8.7K जनाले हेर्नुभयो
  • 8.7K
    SHARES

  • बागलुङ — मंगलबार दिउँसोदेखि परेको अविरल वर्षाका कारण दर्जन पक्की घरमा समेत क्षति

    बागलुङ — मंगलबार दिउँसोदेखि परेको अविरल वर्षाका कारण ढोरपाटन नगरपालिकाको बुर्तिवाङ बजारमा पहिरो गएको छ । बजारदेखि माथिल्लो भागबाट खसेका पहिरो र बाढीले बजारका धेरै छाप्रा पुरिएका छन् । दर्जन पक्की घरमा समेत क्षति पुगेको छ ।

     

    बुर्तिवाङ अस्पतालको पहिलो तल्ला ढुंगामाटोले पुरिएको छ। यस्तै पहिरोले मध्यपहाडी लोकमार्गको केही खण्ड पनि पुरेपछि बुधबार रात्री सेवा र बिहीबार बिहान छुट्ने सवारी अलपत्र परेको प्रहरीले बताएको छ।

    ‘राति १० बजेपछि झनै ठूलो पानी परेकोले कोही पनि सुत्नै सकेनन्’ स्थानीय संचारकर्मी रामनारायण सुवेदीले भने, ‘मानवीय क्षति नभएपनि धेरै मानिसको बास गुमेको छ।’ पहिरो खस्न थालेपछि धेरैले भागेर ज्यान बचाएको ईलाका प्रहरी कार्यालयका निरिक्षक ओमप्रकाश यादवले बताए।

    प्रहरी र स्थानीयले रातिदेखि नै उद्दारको काम थालेका थिए। ‘पहरी खस्नासाथ डोजर लिएर उद्दारमा खटियौं, घरभित्रका सबैलाई जवरजस्ती सुरक्षित स्थानमा पठायौं,’ यादवले भने, ‘समयमा उद्दार नगरेको भए मानवीय क्षति हुन्थ्यो।’ प्रहरीका अनुसार ११ घरमा पूर्ण क्षति, १२ घरमा आंशिक क्षति पुगेको हो। त्यस्तै २ वटा ग्रील उद्योग, १ फर्निचर र १ कुटानी पिसानी मिल पुरिएको छ।

    बजारभर हिलो पसेकोले पैदल हिँड्न पनि सास्ती भएको छ। तल्लो बजार तर्फको जनजीवन कष्टकर भएको यादवले बताए। पहिरो पीडितहरुको खाद्यान्न, लत्ताकपडा र पशुचौपाया समेत पुरिएका छन्। धेरैजसोले पालेका कुखुराहरु सबै पुरिएको सुवेदीले बताए। प्रहरीले उद्दारको काममा खटिने बाहेकलाई सुरक्षित स्थानमा बस्न भनेको छ।

    बजारदेखि भवरेटा जाने ग्रामीण सडक खनेको ट्रयाकबाट पानी सोहोरिएपछि बजारमा पहिरो चलेको प्रहरीले बतायो। पानीले ढुंगा, माटो एकैसाथ ल्याएकोले ठूलो पहिरोको रुप लिएको हो।

    सम्बन्धित खवर